Truh dang ei, công ty đĭ chô̆ đang công tơ điên tư pơtŏ đơ̆ng hơtăih ăn đĭ đăng bơngai, anih jang lơ̆m dêh char. Đĭ đăng 590.000 ‘nu tơmoi, anih jang đei tơplih hla ar chô̆ unh điên đơ̆ng pơm hăm hla ar hmă jing pơm hăm điên tư, tôch ƀônh mưh chă pơih lăng, hơlen năng jên điên, kơsô̆ công tơ, năr kăt điên, pơtho tơƀôh trong iŏk yoa unh điên sơđơ̆ng ‘lơ̆ng, gơ̆h ‘mơ ‘met… kiơ̆ đơ̆ng pơih lăng hăm Zalo dăh mă kơmăy pơvih ăn tơmoi.

Hơdai hăm ‘nŏh, công ty tơmât pơđĭ hla ar hô sơ, hla ar chih ki thuơ̆t dôm tơdrong, dôm kơsô̆ chih răk hăm điên tư vă dar dĕh pơm hơtŏk tơdrong đei yoa mưh vei lăng. Kiơ̆ đơ̆ng noh, kăn ƀô̆ vei lăng gơ̆h lăng ƀôh tơlei unh điên, hla ar ki thuơ̆t đơ̆ng rim kơmăy..., bơ̆ jang vei lăng đơ̆ng hơtăih kŭm nhen chih hơdăh dôm anih cham vă hơmet tơtom.

Atŭm hăm ‘nŏh, PC Dak Lak kĭ pơkăp hăm 15 anih mong jên păng 9 khul pơm kơdranh, tơgŭm ăn tơmoi hiôk hian ƀiơ̆ mưh kla jên điên, tơjur jơnăr, jên yak vih vât. Công ty oei jang hơdoi kơjăp hăm Anih vei lăng bơngai chô̆ unh điên kơ Công ty tơm jang unh điên tơring Tŏk bŏk vă iŏk sek tơlang hrĕnh dôm tơdrong athei đơ̆ng bơngai chô̆ unh điên kiơ̆ lơ kênh nhen: Krao kơsô̆ 19001909, email, website păng kiơ̆ mang tơpôl (Facebook, Zalo...).