Hloh 2 sơnăm jang kiơ̆ tơdrong jang tơplih kơ sô̆, yak blŭng, Dak Lak hlôi pơjing đei tơdrong pơyua ăn hơtŏk tơiung khŭl kơdră điện tử, yak truh khŭl kơdră kơ sô̆ rim tơring, pơyua ăn pơgơ̆r vei lăng, tơgop hơtŏk ‘lơ̆ng đei tơmơ̆t yua, iŏk yua vei lăng păng tŭn pran hơmet ming hành chính.

Truh dang ei, 100% pơvih pơvăn teh đak trực tuyến lơ̆m dêh char gơh đei pơtruh lơ̆m lơ kơmăy kơmŏk chih tơmơ̆t nai, đei hloi kơmăy di động. 95% hla ar hô sơ tơdrong jang tơ̆ dêh char; 50% tơ̆ apŭng păng 20% tơ̆ xăh đei hơmet pơ ‘lơ̆ng lơ̆m hơnih mạng. Tơ̆ hop akŏm, tang măt dôm anih jang tơring hlôi akŏm pơma dơnuh găh khŭl kơdră kơ sô̆, mŭk drăm kơ sô̆, tơpôl kơ sô̆; Tơplih kơ sô̆ lơ̆m bơ̆jang choh jang sa, pơgang, pơtho pơhrăm, vei lăng anih kơdrơ̆m. Đơ̆ng noh đei dôm nơ̆r apĭnh vă tơdrong tơplih kơ sô̆ tơ̆ tơring đei tŭn hrĕnh păng tôm tong ƀiơ̆, kiơ̆ tơ tom hăm trong jang atŭm kơ lơ̆m teh đak.