Xơkơ̆t hơdăh tơdrong pơm kiơ̆ dôm tơchơ̆t jang kơ teh đak đơ̆ng sơnăm 2021 - 2023, trong jang, sơnong jang tơm jăl sơnăm 2023 - 2025 păng tơlĕch trong jang lơ̆m sơnăm 2026 - 2030. Kiơ̆ kơsô̆ tơroi ah Hop akŏm, pơm kiơ̆ 3 tơdrong tơchơ̆t jang kơ teh đak, Đak Lăk hlôi đei pơjao 2.319 ti hlj jang, đei 50,91% kơsô̆ jên jang kơ jăl sơnăm 2021-2025.

Dôm tơchơ̆t jang kơ teh đak hlôi tơgop hơtŏk tenh tơdrong pơjing tơring pơxĕl 'nao păng tơjur hin dơnuh tơ̆ Đak Lăk. Kơsô̆ unh hnam hin dơnuh lơ̆m jâ̆p dêh char tơjur đơ̆ng 1,5 - 2% 1 sơnăm; unh hnam hin dơnuh lơ̆m tơring kon kông tơjur đơ̆ng 3 - 4% 1 sơnăm. Adoi kiơ̆ tơdrong tơbang ah hop akŏm, tơdrong pơm jang 3 tơdrong tơchơ̆t jang kơ teh đak tơ̆ Đak Lăk oei ƀơm lơ tơnap tap, tơjruh... Khei năr truh, dêh char gô adrin pơklaih dôm tơnap tap 'noh, vă dôm tơdrong jang gơh đei yua kơjung hloh. Lơ̆m noh, gah teh choh jang, teh bơ̆ hnam lơ̆m tơring kon kông đei lăng truh mă hơdrol, vei sơđơ̆ng ăn kon pơlei kon kông sơđơ̆ng tơdrong hơrih sa.