Dang ei lơ̆m dêh char đei dang 10.000 anih tĕch mơdro iĕ păng păh lăp, mă lơ ‘nŏh anih tĕch mơdro iĕ, jang xa tam mă pran, đa tơƀâp pơmat tat găh jên jang, kơmăy kơmŏk păng cham char. Tơchĕng adrol tơdrong tơchơ̆t vă hơmet pơ ‘lơ̆ng pơmat tat găn trong, tưk tơiung khul jang, akŏm tôm jên tơmam vă jang xa, mă hơdăh ‘nŏh chih hơdăh trong jang atŏk tơiung mŭk drăm tơ̆ anih jang kơdih jing anih jang mŭk drăm gĭt kăl, atŭm hăm ‘nŏh tơlĕch tơdrong Tơchơ̆t 68 đơ̆ng Anih tơm Chinh trĭ găh atŏk tơiung mŭk drăm tơ̆ anih jang kơdih lơ̆m chăl ‘nao.

Tơ̆ hop akŏm, dôm bơngai tang măt tơgop nơ̆r ăn dôm tơdrong nhen tơgŭm vei lăng tơmam pơchĕh rơgei, tơlĕch trong tĕch mơdro, roi tơbăt tơmam, hơtŏk tơdrong jang hơdoi vă pơtruh tơmam drăm ‘lơ̆ng. Lơ nơ̆r pơma athei chih tơmât dơ̆ng tơdrong tơgŭm ăn anih tĕch mơdro ‘nao iung jang xa, tơplih ‘nao rơgei, tơplih hăm kơmăy sô păng tơmât jên ăn tơdrong choh jang xa hăm kơmăy kơmŏk ‘nao.