Pơgê năr 28/6 hloh 20.000 ‘nu hŏk tro tơ̆ Đak Lăk mơ̆t pơlong mă blŭng kơ ‘măng pơlong lĕch ‘măng khoă jăl pêng sơnăm 2023. Kiơ̆ đơ̆ng Hơnih vei lăng Hnam trương pơtho pơhrăm dêh char Đak Lăk tơbăt, lơ̆m jơ ‘năr pơlong môn Ngữ văn, lơ̆m dêh char đei 62 ‘nu hŏk tro ưh kơ năm pơlong lơ̆m kơsô̆ 20.829 ‘nu hŏk tro chih hơnăn năm pơlong.

Đei 9 lơ̆m 33 hơnih pơlong đei tôm măt bơngai hŏk tro năm pơlong. Rim hơnih pơlong đei sơđơ̆ng, ưh kơ đei hŏk tro adoi nhen kang ƀô̆ lăng pơlong pơm glăi tơdrong tơchơ̆t pơlong. Tơ̆ jơ pơlong găh pơgê brei, tơdrong bơ̆ jang vei lăng sơđơ̆ng đei tơlĕch jang kơhret, đei ăn khul kŏng ang năm gak vei lăng tơ̆ rim hơnih pơlong lơ hloh pơtêng hăm rim sơnăm. Mă kăl tơ̆ apŭng Cư Kuin, tơring ‘nao đei tơdrŭt kơnê̆ pơm ăn 9 ‘nu kang ƀô̆ păng kon pơlei lôch, khul kŏng ang đei ăn vei lăng pơđĭ găh lăm păng tơ̆ ‘ngoăih hơnih pơlong vă vei lăng năng tông sơđơ̆ng hloh ăn ‘măng pơlong.