Đăk Lăk vei sơđơ̆ng trong nơnăm, tang găn răt pơjĭp tơmam drăm kâ̆m ah Têt
Thứ ba, 08:20, 23/01/2024
VOV Tây Nguyên/Lan chih tơblơ̆
VOV Tây Nguyên/Lan chih tơblơ̆
VOV4.Bahnar – Pơm kiơ̆ tơchơ̆t vei hơlen dôm tơdrong pơm glăi hơdrol, lơ̆m păng đơ̆ng rŏng kơ têt Nguyên đan Giáp Thìn 2024, atŭm hăm noh hơtŏk pran tơdrong chă hơlen vei sơđơ̆ng trong nơnăm, khul kanh sat vei hơlen trong nơnăm Đăk Lăk kơchăng hơlen ƀôh băt, sek tơlang dôm bơngai pơm glăi luơ̆t tơ̆ dôm jăl trong vih vơ̆t; tang găn pơjĭp dôm tơmam drăm kâ̆m tĕch răt.
Dêh char Đăk Lăk dang ei đei 5 jăl trong tih noh: 26, 27, 29, 14, 14C păng lơ jăl trong tih pơtoi hăm dôm dêh char Đăk Nông, Lâm Đồng, Gia Lai, Phú Yên păng Khánh Hòa. Lơ̆m sơnăm 2023, Kanh sat hơlen trong nơnăm Kŏng an Đăk Lăk hlôi ƀôh băt, pơjao ăn khul jang kơpal chă hơlen, sek tơlang 99 ‘nu pơm glăi, 82 tong gre đei tơrĕk truh dôm tơdrong pơm glăi luơ̆t vei sơđơ̆ng trong nơnăm.
Kanh sat vei hơlen trong nơnăm hlôi rôp vei jê̆ 1 tâ̆n kơmlăi, 1.540 kơdŭng hơ̆t hla kâ̆m, 10 tâ̆n phŏng rei ưh kơ băt tơm a hla chă... Lơ̆m 2 giĕng kơ âu, dôm khul chă hơlen ƀôh băt, tang găn 13 tơdrong đei tơrĕk truh kơchơ̆t ma túy, chơ glăi kơmăi đôh, hơ̆t hla ‘nâu nai hia.
Viết bình luận