'Măng pơlong tôt ngĭp Trung hŏk phôh thŏng Kuôk ya xơnăm 2023 ăh giĕng kơnh, jâ̆p dêh char Đăk Lăk đei hloh 21.000 hŏk tro chih măt pơlong tơ̆ 33 anih pơlong hăm 900 lăm pơlong. Kiơ̆ kơ noh, rim anih jang hơtŏk chă hơlen hơmet trong tơlei, anih chô̆ unh đei axong ăn dôm anih in đê pơlong, rim anih pơgơ̆r pơlong păng anih châ̆m ƀai pơlong; adoi nhen jang hadoi vă hơmet pơ 'lơ̆ng tơdrong tơhlăk tăk găh axong unh hơyuh.

Anih jang unh hơyuh adoi pơtruh khul jang măng năr hăm tôm tơmam drăm kơmăi kơmŏk vă dăh tom hơmet mưh đei tơdrong ưh kơ 'lơ̆ng. Atŭm hăm noh, rim anih jang unh hơyuh adoi kơchăng pơm jang hăm rim anih juăt jang tơ̆ tơring, hơtŏk dôm tơdrong vei xơđơ̆ng unh hơyuh ăn 'măng pơlong.