Hăm hơdrin jang kiơ̆ hơmet pơ ‘lơ̆ng bơ̆ jang, pơjing rơvơn tơmơ̆t jên jang mơdro sa, dêh char Đak Nông hlôi iŏk đei hơ iă đei ƀôh hơdăh ‘moi kiơ̆ kơsô̆ hơlen đơ̆ng tơpôl hơnih mơdro sa hơnơ̆ng tŏk lơ lơ̆m 4 sơnăm au ki. Mă kăl đei lơ trong jang tơpăt ‘lơ̆ng dơ̆ng mă 17 lơ̆m 63 dêh char, pơlei tơm.

Hrei au, dêh char Đak Nông tŏk bŏk hơnơ̆ng tơlĕch rim trong jang nhen: atŏk kơtang băt hơdăh kơtơ̆ng ang, băt hơdăh păng hơmet pơ ‘lơ̆ng tơnap tap, tơhlăk tơhlĭn ăn hơnih mơdro sa, hơdrin kăt tơjur kon jên hu ưh kơ kăl, atŏk kơtang iŏk đei jơnei lơ̆m jang kiơ̆ rim trong bơ̆ jang tơgŭm djru hơnih mơdro sa.