‘Nâu jing sơnăm mă 2 pơtoi hloi PCI Đak Nông tŏk truh 31 tăl, đơ̆ng anih mă hơtuch lơ̆m kơƀang pơkăp tŏk hơgơl kơ jơ̆p teh đak, sơkơ̆t dôm tơdrong hơdrin kơ dêh char lơ̆m tơdrong hơmet pơ-‘lơ̆ng asong jang tĕch pơdro. Đak Nông adoi jĭ dêh char hơdrô̆ tơ̆ Tây Nguyên oei lơ̆m top 30 dêh char pơlei tơm ‘lơ̆ng hloh gah tơdrong pơgơ̆r jang mŭk drăm kơ jơ̆p teh đak.

‘Nâu jing tơdrong đei jơnei kăp gĭt hloh đơ̆ng sơ̆ truh dang ei kơ tơring âu lơ̆m tơdrong hơmet pơ-‘lơ̆ng asong jang tĕch pơdro, hơtŏk tơdrong tơgar jang lơ̆m dêh char. Tơdrong đei jơnei sơkơ̆t PCI hlôi tơbang kơ dôm tơdrong hơdrin ưh pơdơh pơdei đơ̆ng anih jang chĭnh trĭ lơ̆m tơdrong pơ-‘lơ̆ng cham char pơm jang tĕch pơdro lơ̆mkhei năr tơjê̆ âu. Rim hla bar hanh chĭnh, tơchơ̆t asong hơvơn jang... adoi đei tơbang lơ̆m kŏng thông ti điê̆n tưh kơ Anih jang vei lăng kon pơlei dêh char păng rim anih jang.