‘Măng pơlong tốt nghiệp THPT sơnăm ‘nâu kơ dêh char Dak Nông đei 7404 ‘nu hŏk tro chih măt vang pơlong, lơ̆m noh, đei 1771 ‘nu hŏk tro ‘noh bơngai kon kông. Lơ̆m dêh char pơgơ̆r 19 hơnih pơlong hăm 327 lăm pơlong. Dôm hơnih pơlong đei pơgơ̆r truh tơ̆ rim apŭng, pơlei tơm vei sơđơ̆ng hiôk hloh ăn hŏk tro vang pơlong, pơm dă ƀiơ̆ tôch ai tơdrong hŏk tro athei năm hơtăih, vei sơđơ̆ng lơ̆m kơplăh chă nơ năm ăn hŏk tro păng bơngai ŭnh hnam.

Ƀok Phan Thanh Hải, Phŏ kơdră Anih vei lăng găh pơtho pơhrăm dêh char Dak Nông tơbăt, truh jơ ‘năr âu, tơdrong jang hơmet ăn ‘măng pơlong hlôi hơmet tôm đĭ đăng dôm tơdrong kăl. Lơ̆m khei ‘năr tơ̆ 1,2 tơring đei tơdrong mơmat tat găh tơdrong sơđơ̆ng, tơdrong jang vei sơđơ̆ng păng tang găn pơ gơ̆m ‘moi kiơ̆ iŏk yua kơmăy kơmŏk ‘nao tơ̆ ‘măng pơlong sơnăm ‘nâu đei dêh char Dak Nông tôch kơ lăng kăl.