Đơ̆ng blŭng sơnăm truh dang ei, lơ̆m dêh char Đắk Nông đei 11 ‘măng unh xa bri, akŏm đĭ đăng bri ‘long hiong răm vă truh 9ha. Kiơ̆ Anih vei lăng choh jang xa păng atŏk tơiung tơring tơrang dêh char Đắk Nông, lơ̆m kơsô̆ 250.000 ha bri tơ̆ dêh char, dang ei đei dang 43.000ha, mă lơ ‘nŏh bri ‘long pơtăm đei lơ̆m tơring tôch hơmơt unh xa, akŏm tơ̆ dôm apŭng Đắk Glong, Cư Jút, Đắk Mil, Tuy Đức păng Krông Nô.

Tơ̆ hơnăp tơdrong krê kơ unh xa bri, Anih vei lăng kon pơlei dêh char Đắk Nông pơtho ăn dôm anih jang kơpal, Anih vei lăng kon pơlei dôm apŭng, plt Gia Nghĩa, tơ ‘ngla bri păng dôm anih jang đei ƀơm truh, tơlĕch jang mă ‘lơ̆ng, đei yoa dôm trong jang vei lăng bri. Atŭm hăm ‘nŏh, hơtŏk tơdrong roi tơbăt, krao hơvơn kon pơlei vang vei lăng păng tang găn unh xa bri.