Kiơ̆ đơ̆ng Đại tá Bùi Quang Thanh, Kơdră chĕp pơgơ̆r Kŏng ang dêh char Đak Nông, jang kiơ̆ kơjăp nơ̆r pơrô̆ jang đơ̆ng Hơnih tơm Kŏng ang, Dơnŏ anih Đảng dêh char, Jơnŭm vei lăng kon pơlei, Hơnih vei lăng kon pơlei dêh char, Kŏng ang dêh char Đak Nông hlôi tơlĕch jang lơ trong jang ‘lơ̆ng hơ iă. Đơ̆ng nŏh atŏk kơtang jang kiơ̆ jơhngơ̆m pran kơ pơđĭ lơ̆m khul, hơvơn đei tơdrong vang iung jang đơ̆ng pơđĭ khul chĭnh trĭ lơ̆m dêh char.

Hăm trong tơlĕch jang kơtang, hrrơ̆p mĭnh ‘măng hơbĕch hơbal, hăm trong jang “Jang đang đĭ tơdrong jang, jơ̆p jang uơ oei” bơ̆ jang prăt măng prăt năr, ưh kơ đei năr pơdơ̆h, năr lêh”yak năm jơ̆ng kơ koeng, kơleng rim hnam” vă dăr lăng, jang keh đang hơvơn kon pơlei năm pơm kăn kươk. Jô̆ truh đĭ năr 29/5/2023, Khul kŏng ang Đak Nông hlôi jang đang ƀơk ăn kăn kươk kon pơlei ăn 100% ‘nu kon pơlei tôm sơnăm pơm kăn kươk lơ̆m dêh char, koăng hloh khei ‘năr pơkăp hơdrol hăm Hơnih tơm Kŏng ang păng jang keh đang hơdrol trong tơlĕch jang đơ̆ng Hơnih tơm Kŏng ang hloh 2 khei.