Kiơ̆ tơroi tơbăt đơ̆ng Anih pơgơ̆r tang găn ‘mi kial pơ răm păng tơchă dŏng sar bar dêh char Dak Nông, dôm khei blŭng sơnăm ‘nâu, tơ̆ tơring âu hlôi đei ƀôh lơ ‘măng ‘mi hơbŭt pơm tơglơh pơ bŭng hnam oei păng phă pơrăm ‘long pơ tăm đơ̆ng kon pơlei, jô̆ pơ hlom hiong răm hloh 3,2 ti hlak jên.

Oei lơ̆m pơyan ‘mi sơnăm sơ̆, lơ̆m dêh char hlôi đei ƀôh 5 ‘măng ‘mi tih đei hloi phŭt huơ̆r jăng, pơm ăn hiong răm truh hnam oei, mŭk drăm, ‘long pơtăm păng anih jang kăl, lơ hơnih teh hơlih… hiong răm dang 148 ti hlak jên. Tơdra hơdrol pơyan ‘mi sơnăm ‘nâu, tŏ ‘mi kial hơnơ̆ng tơplih ưh kơ ‘lơ̆ng, ưh kơ ê. Anih vei lăng kon pơlei dêh char Dak Nông hlôi athei dôm anih jang, tơring dăr hơlen, chih iŏk, tơmơ̆t dơ̆ng dôm trong jang tang găn ‘mi đak tih mă lăp hăm tơdrong yan âu.