Tơbăt tơ̆ pơm lêh hop akŏm tơbăt hơdăh, 5 sơnăm ou ki, kang ƀô̆, ƀô̆ đô̆i khul ƀô̆ đô̆i tơ̆ Dak Nông ling lang tơgoăt tơgoăl minh nơ̆r ƀơ̆r đon, tơgop jơhngơm đon gơ̆h hơgei, nuih mơng, kơrŭn jơhngơ̆m vei lăng  sơđơ̆ng dơ̆ng kơjăp tơdrong pơm tơm kơ dih kơ Teh đak păng sơđơ̆ng hiôk hian ăn kon pơlei, tơgop pơm ‘lơ̆ng rŏ hơbŏ nhen hloh dơ̆ng um rup “Ƀô̆ đô̆i Ƀok Hô” chăl hle. Lơ̆m 5 sơnăm, hlôi đei mơjĭt rơbou kang ƀô̆, ƀô̆ đô̆i tơgŭm djru tơring tơnap tap; chă hơvơn đei hloh 5 ti 600 triu hlak jên ming man đei 78 pơbŭng hnam tơgoăt tơgoăk; tơgŭm ăn 1 ti 400 triu hlak jên pơjing tơdrong jang tơgum ăn rim ŭnh hnam dơnuh hơdrin jang sa; khăm ming hơmet jĭ đĕch ăn vă jê̆ 1.900 ‘nu kon pơlei oei tơ̆ tơring atăih yăih.