Kiơ̆ tơdrong tơchơ̆t kơsô̆ 969, Kơdră vei lăng kon pơlei dêh char DaK Nông tơchơ̆t roi tơbăt tơdrong krê hơmơt găh tơdrong sar bar vă tơjră, hơmet pơ ‘lơ̆ng hăm 3 tơring đei tĕh hơlih ‘nŏh Dơnâu Đak N'ting, xăh Quảng Sơn, apŭng Đak Glong; trong Hồ Chí Minh tơ̆ Km 1.900+350, phường Nghĩa Thành, plt Gia Nghĩa; tơring tĕh găh Plei Bu Krắc păng plei Bu Prăng 1A, xăh Quảng Trực, apŭng Tuy Đức.

Vă tơjră hăm tơdrong sar bar, Kơdră vei lăng kon pơlei dêh char Dak Nông athei hơtâp dôm kơƀang chih chư roi tơbăt, kâm ưh ăn khul grŭp, rim bơngai mât lơ̆m tơring krê hơmơt; chông tơlĕch đĭ đăng kon pơlei, unh hnam ƀơm truh; pơgơ̆r gak prăt măng, prăt năr; Hơlen năng rim tơdrong sar bar; tĕh hlŭn, hơđăh tơ̆ trong, dơnâu đak vă tơtom hơmet ming.