Tơ̆ jơ pơm jang, đe kơdră dêh char Nghệ An hlôi tơlĕch lơ tơdrong jang đei tơrĕk truh tơchơ̆t gah vei lăng jên hu – jên mong kơ teh đak; tơchơ̆t gah vei lăng tơring kơdrơ̆m, mŭk drăm cham char; tơchơ̆t vei lăng asong jang; hơtŏk mŭk drăm đak dơsĭ; jơnŭm pơgơ̆r jang, ƀiên chê̆... Pơma pơgơ̆r jơ pơm jang, Kơdră Kuôk hô̆i Vương Đình Huệ ră hơdah, Tơchơ̆t 39 đơ̆ng Anih tơm Chĭnh trĭ hlôi pơjao ăn Đảng đoan Kuôk hô̆i hơlen, tơbang hơmet minh ƀar tơchơ̆t kăp gĭt vă pơjing dêh char Nghệ An hơtŏk tôm tơdrong, dơnơm, trŏ ƀlep hăm tơchơ̆t hơtŏk mŭk drăm – tơpôl kơ jơ̆p teh đak, tơchơ̆t teh đak păng pơkăp tơring Tu Tŏk bŏk păng tơter đak dơsĭ Tŏk bŏk; Atŭm hăm noh đei tơchơ̆t hơtŏk tơ-iung pran kơ pơlei tơm Vinh jing anih tơm jang mŭk drăm – joh ayŏ kơ jơ̆p tơring Tu Tŏk bŏk.

Kơdră Kuôk hô̆i pơkăl, dêh char Nghệ An hơlen lăng dơ̆ng dôm tơchơ̆t mă dôm luơ̆t ‘nao đei Kuôk hô̆i tơbang gô đei iŏk yua, vă tang găn hơlơ̆k hơle le lăi băl lơ̆m Tơchơ̆t; dôm tơchơ̆t ah keh đang athei sơđơ̆ng đei pơm kiơ̆ tơnăp. Đơ̆ng rŏng kơ hop akŏm âu, Anih jang gah Jên hu kơ Kuôk hô̆i vang jang atŭm hăm Anih tơm asong jang  hăm sơnong jang tơnăp hloh vă keh đang, dah hrôih pơtruh ăn Anih jang kơpal kơ Kuôk hô̆i păng Kuôk hô̆i.