Kiơ̆ tơroi tơbăt, khei ‘năr âu ki, pơlei tơm Hồ Chí Minh hlôi akŏm lơ̆m tơdrong jang tơroi tơbăt kơ Lêh tơbăt “Jơnei tih Pơyan puih mak sơnăm 1975 - Jơhngơ̆m pran tơgoăt tơgoăl đĭ đăng hơdrĕch hơdrŭng, hơpơi ‘meh vă rơngei, hiôk hian hơdrĕch hơdrŭng păng đon hơdrin rơngei teh đak”.

Pơma tơ̆ jơ bơ̆jang, Kơdră Ban Tuyên giáo Trung ương Nguyễn Trọng Nghĩa athei, hơnơ̆ng vei kơjăp trong jang athei đơ̆ng Anih tơm Chĭnh trĭ, Ban Bí thư, Anih pơgơ̆r jang Trung ương păng Pơtho đơ̆ng Ban Tuyên giáo Trung ương găh tơroi tơbăt dôm năr lêh tih păng tơdrong kăl jơhnơr arih gĭt kăl kơ teh đak lơ̆m 3 sơnăm 2023 - 2025 vei sơđơ̆ng ƀlep trong jang chĭnh trĭ, đon tơchĕng ‘lơ̆ng. Pơlei tơm Hồ Chí Minh kăl kơ hơmet ‘lơ̆ng Tơdrong jang akŏm dôm tơdrong jang tơbăt lơ̆m khei 8 ‘nâu.