Kơtơ̆ng ang âu đei tơbang ah hop akŏm hla bar tơroi gah Hop akŏm bơngai tang măt ăn kon pơlei kon kông dêh char Đak Lăk ‘măng mă 4, sơnăm 2024 đei pơgơ̆r ah kơsơ̆ ‘năr brei (18/10).  

Hop akŏm bơngai tang măt ăn kon pơlei kon kông dêh char Đak Lăk ‘măng mă 4, sơnăm 2024 gô pơgơ̆r lơ̆m 2 năr noh năr 24-25/10 âu kơnh tơ̆ pơlei tơm Buôn Ma Thuột, hăm hơnăn “Kon pơlei kon kông dêh char tơguăt, tơplih ‘nao gơh hơgei, iŏk yua tơdrong pran, mŭk drăm hlôi đei vă jang hadoi păng hơtŏk tơ-iung kơjăp sơđơ̆ng”. Hơbŏ gô đei hloh 300 bơngai tang măt năm hop akŏm, lơ̆m noh đei 250 ‘nu tang măt ăn hloh 715 rơbâu kon pơlei kon kông lơ̆m 49 hơdrung bơngai kon kông tŏk bŏk oei hơrih, hŏk pơhrăm păng pơm jang tơ̆ dêh char Đak Lăk.