Khei ‘năr âu ki, 2 dêh char vang jang hơdoi ‘lơ̆ng lơ̆m dôm tơdrong jang yoa Khul kơdră 2 tĕh đak pơgơ̆r; dôm tơdrong tĕch mơdro, tơlĕch trong tơmât jên jang. Kon Tum ‘măn kon jên hơpăh hŏk ƀŏng hŏk Đăi hŏk ăn 15 ‘nu hŏk tro đơ̆ng dêh char Chăm-pa-sắc; tơgŭm ăn unh hnam tơnuh tơ̆ dêh char Chăm-pa-sắc sơng Têt so Bun Py-may; dêh char Chăm-pa-sắc tơlĕch tơdrong tơgŭm ăn dêh char Kon Tum tơchă sir akŏm, chơ tơvih kơting linh, bơngai jang tơgŭm đơ̆ng Việt Nam lôch tang tĕh đak lơ̆m tơdrong tơblăh sơ̆. 

Tơ̆ hơnăp kơnh, 2 dêh char Kon Tum păng Chăm-pa-sắc hơnơ̆ng tưk tơiung, pơjing tơdrong hiôk hian vă dôm anih jang kơpal, tơring tơrang đơ̆ng 2 păh pơjing tơdrong pơvei jang hơdoi; drơ̆ng nơ̆r hơtŏk tơdrong chă tơmang lăng đơ̆ng 2 dêh char; dêh char Kon Tum hơnơ̆ng tơgŭm 10 kơsuơ̆t hŏk ƀŏng hŏk Đăi hŏk păng 5 kơsuơ̆t hŏk ƀŏng hŏk trung cấp chinh trĭ ăn dêh char Chăm-pa-sắc .