Kiơ̆ đơ̆ng Kŏng ang Đak Lăk tơbăt, tơdrong sơđơ̆ng dơ̆ng kơjăp tơ̆ dêh char Đak Lăk hlôi vih hơlơ̆k sơđơ̆ng dơ̆ng, tơdrong erih sa kơ kon pơlei pơla ưh kơ đei yă kiơ tơplih. Tơdrong erih sa kơ ‘năr vih hơlơ̆k dơ̆ng nhen dôm năr hơdrol năr 11/6.

Lơ̆m gơmăng năr 13/6 hlôi đei mĭnh ‘nu bơngai vang năm pơm tơdrong ưh sơđơ̆ng hlôi lĕch kŭp kơ̆l yơ̆r ti. Lơ loh, truh dang ei hlôi đei 3 ‘nu bơngai vang năm lơ̆m ‘măng năm tơdrŭt hăm phao kơtoang lơ̆m hơnih bơ̆ jang kŏng ang ƀar tơring Ea Tiêu păng Ea Ktur hlôi năm kŭp kơ̆l yơ̆r ti vă sơng iŏk đei tơdrong mơnat đơ̆ng teh đak. Jô̆ truh pơgê năr 14/6, khul bơ̆ kang ƀô̆ đô̆i kŏng ang hlôi rôp đei 46 ‘nu bơngai pơm tơsŭl tơsăl tơ̆ Hơnih bơ̆ jang vei lăng kon pơlei ƀar tơring Ea Tiêu păng Ea Ktur. Kŏng ang dêh char Đak Lăk hơnơ̆ng krao hơvơn dôm bơngai “bơ̆h kơ trong-hiong glung” lĕch vih năm kŭp kơ̆l yơ̆r ti vă sơng iŏk đei tơdrong mơnat đơ̆ng teh đak.