Pơgê brei (16/10), Bơngai tang măt Quốc hội dêh char Kon Tum bơ̆jang tơƀơ̆p pơma dơnuh hăm bơngai tăh hla ‘noh đoàn viên, bơngai jang hơdrol kơ ‘Măng hop akŏm 8, Quốc hội jăl XV vă chih iŏk dôm nơ̆r tơgop, apĭnh hăm 3 Luơ̆t ( hơmet ming) ƀơm truh tơdrong đei yua đơ̆ng bơngai jang. Hăm Luơ̆t Công đoàn (hơmet ming), Khŭl tang măt Quốc hội dêh char Kon Tum iŏk đei 6 tơdrong apĭnh, vang tơgop nơ̆r đơ̆ng đoàn viên, bơngai jang; Hla ar chih hơmet Luơ̆t Tơdrong jang (hơmet ming) păng Luơ̆t hơmet ming, tơmơ̆t dơ̆ng 1,2 hơpăng đơ̆ng Luơ̆t ƀao hiêm pơgang rim hla ar chih ming Luơ̆t đei 5 nơ̆r athei, apĭnh hơmet ming, tơmơ̆t dơ̆ng.

Tơdrong tơm đơ̆ng dôm nơ̆r athei, apĭnh, vang tơgop nơ̆r đơ̆ng đoàn viên, bơngai jang dêh char Kon Tum hăm 3 Luơ̆t (hơmet ming) tă kơ lăng kiơ̆ lơ̆m đơ̆ng yan âu bơ̆jang, oei sa, hŏk pơhrăm, trong jang tơgŭm păng hăm ‘meh vă hơgăt đơ̆ng Luơ̆t tơ jê̆ hăm tơdrong hơrih sa. Pơma dơnuh hăm dôm bơngai tăh hla ‘noh đoàn viên, bơngai jang, ƀok Phạm Đình Thanh, Phŏ Kơdră Khŭl vei lăng Khŭl tang măt Quốc hội dêh char Kon Tum chih iŏk, akhan lơ nơ̆r apĭnh, athei, vang tơgop nơ̆r đơ̆ng đoàn viên păng bơngai jang ‘noh jĭ trŏ ƀlep.