Tơdrong pơlong hơvơn đei 8 khul akŏm truh đơ̆ng dôm dêh char Tŏk bŏk – Tây Nguyên đei: Nghệ An, Thanh Hóa, Quảng Trị, Thừa Thiên Huế, Quảng Nam, Quảng Ngãi, Kon Tum păng Đăk Lăk. Rim khul pơlong 3 tơdrong noh hmach; hơmet dôm tơdrong đei ƀôh păng pơm tông gah tơdrong tang găn păng teh dong lơ̆m unh hnam. Jơnŭm pơgơ̆r pơlong hlôi hơpah 1 jơnei mă Mônh, 2 jơnei mă Ƀar, 3 jơnei mă Pêng păng 2 tơmam hơpah juăt jang ăn dôm khul.

Kiơ̆ tơdrong hơlen kơ teh đak gah teh dong hăm đe drăkăn, đe hơ-ioh tơ̆ Việt Nam sơnăm 2019 ăn ƀôh, rim năr đei 64 drăkăn păng 10 'nu hơ-ioh ƀơm teh dong. Lơ̆m 3 'nu drăkăn đei 1 'nu (32%) ƀơm klo teh dong pơgŏ âu to. Kiơ̆ tơdrong pơlong, Jơnŭm pơgơ̆r hơpơi 'meh, đe drăkăn gô jing bơngai jang tơroi tơbăt lơ̆m jơnŭm tơpôl gah tang găn păng tơjră teh dong lơ̆m unh hnam, hơtŏ hơnơ̆ng drŏnglo drăkăn, pơjing minh tơpôl "sơđơ̆ng, hơtŏ hơnơ̆ng, ưh đei teh dong, ưh đei pơrăm đe drăkăn, đe hơ-ioh".