Tơ̆ hop akŏm, bơngai tang măt pơma nuh, tơgop nơ̆r ăn rim tơdrong tôch hơdăh lơ̆m Luơ̆t, lơ̆m nŏh akŏm pơm hơdăh 1,2 nơ̆r chih tam mă lăp dăh mă tam mă tôm; chih hơmet hơdăh hlŏh dơ̆ng 1,2 tơdrong lơ̆m khôi luơ̆t. Yă Tô Thị Tâm, Kơdră vei lăng Khul drŏ kăn dêh char Đắk Lắk akhan: dôm nơ̆r tơgop đơ̆ng bơngai tang măt pơm hơdăh hlŏh dơ̆ng lơ tơdrong kăl đei chih lơ̆m Luơ̆t nhen: athei năng hơtŏ băl kơplăh drŏ kăn hăm drŏ nglo, hue năng mă lơ ƀiơ̆ truh tơ̆ đe drŏ kăn, hơiŏh drŏ kăn.

Tơdrong jang dŏng tơgŭm, vei lăng ăn bơngai răm, bơngai oei hơlen năng hăm trŏ jĭ bơngai răm dăh mă ưh athei bơ̆ jang mă tơtom, trŏ ƀlep. Athei tang găn đơ̆ng blŭng hăm dôm tơdrong ƀônh đei đe pơhlŭ vă tĕch mơdro bơngai nhen: chă tơmang lăng, năm jang tơ̆ teh đak đe, asong iŏk kon rong, iŏk unh om hăm bơngai teh đak đe…