Kiơ̆ tơroi, 6 khei kơ âu, Anih jang Đảng kơ dôm Anih jang mŭk drăm hlôi akŏm pơgơ̆r dôm anih jang đảng lơ̆m anih jang po, pơgơ̆r anih jang mŭk drăm drŭt tenh hơmet pơ-‘lơ̆ng, tơplih ‘nao păng hơtŏk jang tơnăp anih jang mŭk drăm teh đak kiơ̆ dôm tơchơ̆t tơlĕch đơ̆ng Đảng păng tơchơ̆t đơ̆ng luơ̆t teh đak. Tơrĕk hloh noh, hăm tơchơ̆t khŏm mă đei jơnei hrôih Tơchơ̆t Hop akŏm đảng ƀô̆ dôm jăl sơnăm 2020 - 2025, dôm tơchơ̆t jang tĕch pơdro lơ̆m tôm Anih jang đei jơnei hloh 50% tơdrong pơjao jang lơ̆m sơnăm păng hơtŏk hloh pơtêng hăm khei năr âu sơnăm sơ̆.

Tơlĕch tơdrong pơlong jang lơ̆m khei năr truh, Ƀĭ thư Đảng ủy Khô̆i anih jang mŭk drăm  Trung ương Nguyễn Long Hải pơkăl akŏm tơlĕch dôm tơdrong chă hơlen băt ah sơnăm 2024, sek tơlang dôm hla bar pơtruh tơkêng mă tam sek tơlang keh đang, vă yak ah sơnăm mơ̆t hop akŏm ƀônh hiôk hloh; akŏm hơtŏk pran pơm kiơ̆ Tơdrong hơmet pơ-‘lơ̆ng anih jang mŭk drăm, pơgơ̆r dôm tơdrong tơlĕch jang dơnơm.