Trong năm jơ̆ng hoh Trần Quốc Toản tơter kiơ̆ trong păih dơnâu đak Xuân Hương păng cham Golf Đồi Cù, truh Pơgar pơkao pơlei tơm Đà Lạt, kơjung 1,6km. Lơ̆m hơnih kơ phô̆ năm jơ̆ng hoh đei Anih vei lăng kon pơlei pơlei tơm Đà Lạt hơmet ăn dôm hơnih iĕ pơgơ̆r hơri hơsoang pơyua ăn kon pơlei păng tơmoi tơmang lăng, nhen: reh guitar păng hlôm klel harmonica, violin, hơsoang zumba, ...

Jơ bơ̆jang đơ̆ng kơ phô̆ năm jơ̆ng hoh đơ̆ng 6jơ kơsơ̆ truh 10 gơmăng dôm năr đăm, năr drŏu păng năr pơh rim giĕng. Kơ phô̆ năm jơ̆ng hoh ‘noh hơnih chă lăng, ngôi pơchơt, pơm lăp hăm ‘meh vă chă lăng đe hơri hơsoang, sa tơmam sa đơ̆ng tơmoi, tơgop hơtŏk kơjă kăp gĭt hơnih tơmang lăng ‘lơ̆ng rŏ kơ teh đak dơnâu đak Xuân Hương.