Tơdrong đei tơplih au ‘moi kiơ̆ drơ̆ng mĭnh nơ̆r đơ̆ng dôm bơngai iŏk yua ŭnh hơyuh, ‘moi kiơ̆ drơ̆ng mĭnh nơ̆r păng kĭ pơkăp tĕch răt ŭnh hơyuh hlôi kĭ. Truh dang ei, hơnih jang ŭnh hơyuh hlôi tơplih bơ̆ jang tĕch răt ŭnh hơyuh kiơ̆ trong điên tư ăn hloh 3,16 triu tơmoi.

Tơchĕng hơlau, lơ̆m sơnăm 2023 gô tơlĕch jang tơplih năr choh kơsô̆ jơ ŭnh hơyuh lơ̆m năr hơtuch khei ăn 2,6 triu tơmoi. Tơdrong tơplih au vă pơm ăn bơ̆ jang tơbăt hloh dơ̆ng, ƀônh hlôh vao lơ̆m vei lăng năng tông, chih kơsô̆ jơ păng pơm hla bơar iŏk jên ŭnh hơyuh. Lơ̆m khei tơplih năr chih kơsô̆ jơ, kơsô̆ năr iŏk yua ŭnh hơyuh kơ tơmoi gô lơ hloh pơtêng hăm sơ̆, hơtŏ hăm iŏk yua ŭnh hơyuh lơ ƀiơ̆. Mă lei, tơdrong au hoei pơm kơnê̆ truh tơdrong đei iok yua kơ tơmoi, tơdrong pơkăp iŏk yua ŭnh hơyuh, hla bơar chih jên iŏk yua ŭnh hơyuh kơ tơmoi oei sơđơ̆ng ƀlep tơdrong pơkăp păng tơchơ̆t găh kơjă ŭnh hơyuh dang ei.