Hăm hơnăn “Pơkao Đà Lạt – ƀrŭng ƀrăng kơmâu ‘lơ̆ng rŏ”, Festival pơkao Đà Lạt ‘măng mă 10 - sơnăm 2024 vă pơgơ̆r đơ̆ng ‘năr 4/12 truh đĭ ‘năr 31/12/2024, hăm 10 tơdrong tơm păng 12 tơdrong đei pơgơ̆r kiơ̆.

Lơ̆m noh, ‘ngoăih kơ 2 tơdrong pơih blŭng păng pơtôch hơdai hăm tơdrong joh hơri hơxoang sơng sơnăm ‘nao 2025, Festival pơkao Đà Lạt ‘măng mă 10 hơnơ̆ng đei lơ tơdrong ‘lơ̆ng yoa đơ̆ng ming pơrŏ pơkao jŭm dăr dơnâu Xuân Hương păng tơ̆ dôm trong glung tŏk bŏk Đà Lạt, đei kơphô̆ hơlăk vang – hla che – cheh phe păng tơmam ‘lơ̆ng đơ̆ng Đà Lạt, đei kơchơ ‘nhot – pơkao, tơdrong joh hơri hơxoang apŭng plenh teh Đà Lạt – Hàn Quốc, Carnaval trong pơkao păng tơmam so kăp gĭt.... Festival pơkao Đà Lạt ‘măng mă âu hơnơ̆ng tơƀôh hơdăh Đà Lạt jĭ plt Festival pơkao kơ Việt Nam, plt pơcheh rơgei găh jơva nhak đơ̆ng UNESCO păng plt găh “Grŭp 5 plt Festival ‘lơ̆ng hơiă hlŏh kơ châu Á”.