Hăm hơnăn “Pơkao Đà Lạt - Ƀrŭng ƀrăng kơmâu ‘lơ̆ng rŏ”, Festival Pơkao Đà Lạt ‘măng mă X đei pơgơ̆r đơ̆ng ‘năr 5 truh ‘năr 31.12. Festival Pơkao Đà Lạt ‘măng mă âu đei lơ tơdrong pha ƀiơ̆ pơting hăm 9 ‘măng pơgơ̆r adrol ki, hăm tơdrong pơgơ̆r tih; jơ̆p lơ̆m dêh char; đei lơ tơdrong pơgơ̆r hơnơ̆ng lơ̆m sơnăm păng tơdrong tơm đei pơgơ̆r lơ̆m khei 12/2024; đei hloi lơ tơdrong ‘nao; lơ tơdrong hơri hơxoang tôch hơiă lơ̆m apŭng plenh teh.

Kăl loi, tơdrong hơiă hlŏh đơ̆ng Festival Pơkao Đà Lạt ‘măng mă X - sơnăm 2024 ‘nŏh jĭ tơdrong ming pơrŏ pơkao gô đei pơgơ̆r jơ̆p lơ̆m plt. Đơ̆ng anih juăt ming pơrŏ pơkao truh tơ̆ lơ jăl trong, dơnâu đak păng jŭm dăr dơnâu Xuân Hương năng tôch hơiă, lăp đei hơdrô̆ tơ̆ plt Đà Lạt, đei hloi tơ̆ dôm anih ngôi pơchơt, cham pơgar iĕ, trong glung, tơring kon pơlei oei, anih chă tơmang lăng lơ̆m plt Đà Lạt păng tơring jŭm dăr vang ming pơrŏ pơkao hai.