Dêh char Gia Lai dang ei đei hloh 9000 'nu bơngai tơgŭm jơhngơ̆m hăm kăch mang tŏk bŏk đei sa tơgŭm. Pơm kiơ̆ tơdrong jang ƀlŏk tơbăt pôk bơnê, Anih pơgơ̆r vei lăng kon pơlei dêh char Gia Lai asong jên mong hloh 1,5 tih hlj, akŏm năm apong, asong tơmam ăn dôm unh hnam mă teh đak tơchơ̆t tơgŭm, bơngai tơgŭm jơhngơ̆m.

Lơ̆m noh, kăn ƀô̆ kăch mang 'lŏ sơnăm, linh jĭ rơka, bơngai tơgŭm jơhngơ̆m ăn kăch mang... đei asong tơmam hăm kơjă 300 rơbâu hlj. Đe Mĕ Việt Nam Nuih mơng, linh jĭ rơka tăl 81%, unh hnam 'nhŏng oh Linh lôch dŏng teh đak đei tơdrong hơrih tơnap tap đei iŏk tơmam pôk kơjă 600 rơbâu hlj. Adoi lơ̆m 'măng âu, đe Kơdră kơpal dêh char Gia Lai adoi asong 19 khul năm apong 10 Mĕ Việt Nam Nuih mơng, atŭm hăm minh ƀar unh hnam tơgŭm jơhngơ̆m tơnăp hăm tơmam đei kơjă 2.500.000 hlj. Dêh char pơjao hloh 9000 tơpu tơmam đơ̆ng Kơdră teh đak asong ăn bơngai đei kŏng tơ̆ Gia Lai.