Ƀok Đoàn Hữu Dũng-Kơdră chĕp pơgơ̆r Hơnih vei lăng Trong gre nơnăm dêh char Gia Lai tơbăt, vă tơlĕch jang kiơ̆ rim hla bơar đei ƀơm truh tơdrong vă jang au, Hơnih vei lăng kon pơlei 2 dêh char Gia Lai hăm Bình Định hlôi bơ̆ jang hăm Hơnih tơm Kŏng ty vei lăng kon jên tơmơ̆t jang lơ̆m vă đĭ sơnăm 2023.

Pơtôch đei ƀôh, trong jang tơlĕch jang kiơ̆ pơm trong Glung rĕnh Pleiku- Quy Nhơn kiơ̆ trong jang hơdoi teh đak, kon pơlei vang tơmơ̆t jên jang ‘noh ưh kơ gan hơmŏ jơnei, kơna kăl chă tơchĕng hơlen dơ̆ng kiơ̆ trong teh đak tơmơ̆t jên jang. Kơ yuơ lơ loh, Hơnih vei lăng Trong gre nơnăm dêh char Gia Lai hlôi hơlen ming, tơlĕch ăn pơm jăl trong gre rĕnh đơ̆ng 151km lê̆ pă lăp 143km păng hŭt pang trong gĭt kăl tơ̆ rim jăl trong đei gơng lơ̆m Trong glung rĕnh au. Kiơ̆ kơ ‘noh, kon jên tơmơ̆t jang rŏ năng tơjur đơ̆ng 44.200 ti hlak jên lê̆ pă hloh 37.600 ti hlak jên, tơjur hloh 6.500 ti hlak jên pơtêng hăm chă tơchĕng hơlen ‘măng mă blŭng.