Tơ̆ lêh kĭ pơkăp, gah Hnam kơmăi rŏl sĭk An Khê, dôm anih jang mŭk drăm, hơp tak xah chơ tơmam drăm hlôi atŭm kĭ pơkăp jang hadoi pơm kiơ̆ tơnăp dôm tơchơ̆t gah chơ tơmam kiơ̆ trong nơnăm, pơdŭ tơmam hơtŏk tơ̆ gre păng chơ trăp; gre vih vơ̆t athei vei sơđơ̆ng kiơ̆ dôm tơchơ̆t tơlĕch.

Tơ̆ hop akŏm, bơngai vơ̆r gre Nguyễn Tấn Chung, xah Nghĩa An, apŭng Kbang akhan, pơyan rŏl kơtao, Hnam kơmăi rŏl sĭk An Khê asong kơphĭu răt trŏ ƀlep, tơgŭm ăn tơdrong iŏk yua kơ kon pơlei đei vei sơđơ̆ng. Đơ̆ng noh, tang găn tơdrong rơkah, dah mă kơƀah gre chơ tơmam, akŏm chơ lơ̆m minh gre, chơ trăp hloh kơ pơkă.