Kiơ̆ tơdrong hơlen năng tơ̆ hop akŏm, sơnăm 2023 đei lơ tơdrong pơmat tat, mă lei dêh char adrin bơ̆ jang ‘lơ̆ng dôm tơdrong jang mŭk drăm tơpôl. Kiơ̆ kơ ‘nŏh, akŏm đĭ đăng jên tơmât jang lơ̆m tơpôl pơhlom đei 42.000 ti, lăp hăm nơ̆r hơgăt păng lơ ƀiơ̆ 9,28% pơtêng hăm khei âu sơnăm sơ̆.

Dôm tơdrong hơgăt găh choh jang xa- pơtăm ‘long – rong ka; jang kơmăy, ming man; tơdrong tĕch le tơmam păng lơ tơdrong hơgăt nai tơtă jang đei păng lơ hlŏh nơ̆r hơgăt đei tơlĕch ngăl. Mă đơ̆ng thoi noh ră, oei đei 7 tơdrong hơgăt tơm păng 2 tơdrong hơgăt iĕ jang ưh đei. Hop akŏm ‘măn lơ jơ vă pơma nuh, hơlen năng, tơblang hơdăh rim tơdrong păng tơlĕch trong hơmet ming vă gơ̆h jang đang ‘lơ̆ng lơ̆m sơnăm truh.