Lơ̆m jơ pơma nuh tơ̆ Hnam hôp, bơngai tang măt pơma akhan, mă đơ̆ng Anih vei lăng kon pơlei dêh char đĭ pơjing lơ Khul dăr hơlen, hơmet pơ ‘lơ̆ng dôm tơdrong pơmat tat, tơhlăk tăk, mă lei 7/21 tơdrong hơgăt jang mŭk drăm, tơpôl sơ năm 2023 kơ dêh char Gia Lai jang tam mă kĕh. Yoa thoi nŏh, dôm anih jang athei đei trong jang kơdih mă rơđăh ‘lơ̆ng vă bơ̆ jang. 

Ƀok Phạm Minh Trung- Kơdră Anih vei lăng tơmam drăm, cham char Gia Lai oei pơma tơƀôh, pơm hơdăh dôm tơdrong jing đei pơmat tat mưh tơchă teh vă jang xa đơ̆ng HTX, tơlĕch trong vei lăng cham char tơ̆ anih rong kon tơrong, roi tơƀôh găh kơjă teh vă hơtŏk hrĕnh tơdrong tơmât jên jang. Hơdai hăm ‘nŏh, athei dôm tơring jang hơdoi tơ̆lĕch trong pơm hla ar mă hrĕnh vă ƀơk teh ăn kon pơlei lơ̆m tơdrong jang tơm kơ teh đak, atŏk tơiung mŭk drăm tơpôl tơ̆ tơring kon kông.