Lơ̆m sơnăm 2023, dêh char Gia Lai pơgơ̆r lơ ‘măng tơlĕch jang plang song pham nhen: “Lêh pham ƀreu”, “Năr đĭ đăng kon pơlei vang plang song pham 7-4”, tơdrong jang “Kơtŏh pham pơyan he”, tơdrong jang “Plang song pham”…sơng đei rơbâu ‘nu bơngai truh.

Lơ̆m dêh char Gia Lai pơgơ̆r đei 90 ‘măng plang song pham, sơng đei hlŏh 25.000 ‘nu bơngai vang plang song pham, iŏk đei hlŏh 18.700 tơpu pham, dang 117% kơsô̆ hơgăt. Lơ̆m sơnăm 2024, Anih pơgơ̆r krao hơvơn plang song pham dêh char vă krao hơvơn iŏk đei 17.000 tơpu pham. Hơdai hăm ‘nŏh, hơnơ̆ng tưk tơiung dôm khul grŭp plang song pham păng khul roi tơbăt krao hơvơn plang song pham tơ̆ dôm apŭng, hnam hŏk, công ty.