Năr plang song pham sơng đei hlŏh 1.000 ‘nu kăn ƀô̆, bơngai jang kơ teh đak, đoàn viên, druh dăm, khul linh păng kon pơlei vang akŏm. Năr plang song pham “Kơtoh pham Groi kông” jĭ tơdrong jang đei pơgơ̆r kiơ̆ Tơdrong jang Trong yak ƀreu ‘măng mă XII sơnăm 2024 hăm hơnăn “Tơguăt pham Việt” yoa Anih pơgơ̆r Tơdrong jang trong yak ƀreu Trung ương tơlĕch.

Lơ̆m ‘năr plang song pham âu, anih pơgơ̆r iŏk đei 520 tơpu pham rơgŏh ‘lơ̆ng păng đĭ đăng hlôi đei gơih ăn Hnam pơgang Đa khoa dêh char Gia Lai păng hnam pơgang Quân y 211 vă pơyoa ăn tơdrong hơmet jĭ bơih. Trong yak ƀreu sơnăm 2024 đei 48 dêh char, plt lơ̆m teh đak vang jang; tơdrong tơm ‘nŏh vă mong akŏm đei dang 120.000 tơpu pham.