Jăl jang 2018 – 2022, dêh char Gia Lai păng dêh char Ratanakiri hlôi kơchăng, hơdrin jang hơdai tang găn jĭ Covid-19 lơ̆m tơring sơlam đei yua, vei sơđơ̆ng tơ̆ tơring sơlam, vei lăng jơhngơ̆m pran kon pơlei, pơvei hơtŏk tơiung mŭk drăm - tơpôl.... 2 dêh char hlôi jang hơdai ‘lơ̆ng lơ̆m tơdrong jang vei lăng ‘lơ̆ng đêl so trong sơlam, vei lăng sơđơ̆ng jrăng sơlam.

Dôm anih jang, khŭl lĭnh vei lăng tơring sơlam kơ dêh char Gia Lai păng dêh char Ratanakiri hlôi jang hơdai kơjăp hăm băl, vei lăng sơđơ̆ng tơring sơlam kơ 2 teh đak. Tơ̆ Hop akŏm, dôm bơngai tang măt dêh char Gia Lai păng dêh char Ratnakiri hlôi vang hơdai băl pơma dơnuh, yak truh drơ̆ng 1 nơ̆r ‘lơ̆ng tơdrong jang hơdai jăl jang 2023 – 2025 hăm tơdrong kăl “Rông ƀôt ‘lơ̆ng hơiă, tơbôl, joăt joe, jang hơdai lơ̆m rim tơdrong jang păng kơjăp đunh đai”.