Chĕp vei sơnong jang hăm tơpôl, bơngai đei kon pơlei lui yom tơ̆ Gia Lai hlôi jang tơnăp sơnong jang po lơ̆m tơdrong hơvơn kon pơlei pơm kiơ̆ tơchơ̆t hơtŏk mŭk drăm – tơpôl, vang vei sơđơ̆ng tơpôl tơ̆ tơring. Hơdah lơ̆m jăl sơnăm 2021 -2023, dôm bơngai đei kon pơlei lui yom tơ̆ Gia Lai hlôi jang hadoi kăp gĭt atŭm hăm dôm anih jang tơ̆ tơring chă tơroi tơbăt ăn kon pơlei vang jang hăt hot lơ̆m tơdrong jang “Tôm kon pơlei tơguăt tơguăl pơjing tơring tơrang 'nao, tơring kơdrâ̆m gơh rơgei” hăm hloh 700 tih hlj, plang hloh 132.000 m2 teh păng tơgop hloh 47 rơbâu 'năr jang.

Atŭm hăm noh, bơngai đei kon pơlei lui yom tơgŭm ăn hloh 20.000 unh hnam kon kông hin dơnuh tơplih đon kơchĕng, trong pơm jang, vă pơklaih hin dơnuh. Dêh char Gia Lai hơpơi 'meh lơ̆m khei năr truh, bơngai đei kon pơlei lui yom pơtoi tơnăp hloh lơ̆m sơnong jang kơ po, hơvơn kơtum kơtŏng, kon pơlei vang jang hơtŏk mŭk drăm – tơpôl, pơjing Đảng păng anih jang chĭnh trĭ; vei sơđơ̆ng tơpôl, pơjing tơdrong tơguăt tơguăl tôm kon pơlei.