Tơ̆ Gia Lai, til pơgê ‘năr 27/6, Anih jang đoan dêh char Gia Lai pơm lêh năm bơ̆ jang “Roi tơƀôh-Tơgŭm kơsư̆k ăn pơyan thi” sơnăm 2023 hăm lơ khul jang năm tơgŭm tơ̆ 40/41 anih thi. Tơdrong jang âu akŏm đei 310 ‘nu bơngai jang tơgŭm, bơ̆ jang đơ̆ng ‘năr 27/6 truh đĭ ‘năr 29/6, hăm dôm tơdrong tơm: chă tơgŭm ăn hŏk tro năm thi đei tơdrong arih xa pơmat tat dêh hlŏh.

Roi tơƀôh anih tep ưh đei iŏk jên, anih tep iŏk jên reh, anih sŏng xa rơgŏh ‘lơ̆ng, ưh đei măk, tơgŭm đĕch đak nhă ăn hŏk tro păng bơngai lơ̆m hnam đe ŏh hŏk tro; chơ ba đe hŏk tro năm truh tơ̆ dôm anih thi, tơgŭm, roi tơƀôh trong yak. Jang hơdoi hăm khul jang kơpal pơtho tơƀôh, vei lăng sơđơ̆ng trong yak tơ̆ dôm anih thi.