Gia Lai pơtơm akŏm Tơmang pơhiơ̆ Kbang sơnăm 2023
Thứ bảy, 09:18, 05/08/2023
VOV Tây Nguyên/Lan tơblơ̆
VOV Tây Nguyên/Lan tơblơ̆
VOV4.Bahnar – Kơmăng năr 4/8, Năr akŏm Tơmang pơhiơ̆ apŭng Kbang, dêh char Gia Lai đei pơtơm. Hăm lơ tơdrong joh ayŏ, akŏm kơchơ, hơlen băt gah tơdrong kăp gĭt, 3 năr akŏm jing anih pơdơh jơ̆ng kơ lơ tơmoi ah 'năr hơtuch giĕng.
Năr akŏm Tơmang pơhiơ̆ apŭng Kbang đei akŏm kơchơ hăm 148 anih 'măn tơmam choh pơtăm, tơmam 'long bri tơ̆ tơring nhen: dôm hơdrĕch sâm bri, pơmâi bri, đak sut bri, găr macca, phe chơke, phe Sơ Pai, 'nhŭng găm... 'Nguaih kơ noh, gô đei tơdrong pơdreh chĭng chêng juăt jue kơ kon pơlei Bahnar; chă hơlen băt gah tơdrong tanh kơđum kơđŏng brong jak, tanh brai, chrah um mul meo.
Mă kăl noh, tơ̆ âu oei đei dôm tour tơmang pơhiơ̆ kiơ̆ tơdrong pơkăl đơ̆ng tơmoi nhen chă hơlen tơkơi K50, Hơgơp pơyaih, anih gru grua jơhngơr hơrih – joh ayŏ "Kăng kư̆ kăch mang Khu 10"; hơlen băt tơdrong hơrih kon pơlei Bahnar tơ̆ dôm pơlei tơmang pơhiơ̆ Stơr (xah Tơ Tung), pơlei Mơ Hra - Đáp (xah Kông Lơng Khơng), pơlei Kon Bông (xah Đăk Rong).
Viết bình luận