Đunh kơ ou 70 sơnăm, rim kang ƀô̆, ƀô̆ đô̆i atŭm hăm khul ƀô̆ đô̆i păng kon pơlei rim hơdrung dêh char Gia Lai, hăm “Jơhngơ̆m đon nuih mơng” hlôi tơgoăt tơgoăl iung tơblăh nuih mơng, kiơ̆ yok tơdrong joăt joe pran kơtang đơ̆ng mĕ ƀă yă ƀok hlôi iŏk đei jơnei Đak Pơ pơm ăn đe ư hơnhang ang hơnhăk.

Jơnei Đak Pơ đei pơtih nhen lĕ Điện Biên Phủ kơ Liên khu V, jĭ ‘măng tơblăh nuih mơng pran kơtang hloh. Jơnei rơngei Đak Pơ hơmet pơ ‘lơ̆ng trong yak tơm, tơgop ăn iŏk đei jơnei rơngei nuih mơng kơ rim tơring găh Hơlech Gia Lai- Kon Tum pơjing rơvơn ăn ‘măng iung tơblăh măh pơm ăn Phalăng drơ̆ng tơ oei kĭ pơkăp tơdrong tơchơ̆t Genève 1954. Đơ̆ng mĭnh apŭng dơnuh, truh dang ei hlôi đei atŏk tơ iung găh mŭk drăm-tơpôl kơjăp ‘lơ̆ng. Tơdrong hơroi sa kơ kon pơlei hơnơ̆ng atŏk tơ iung, rim tơdrong oei sa, jŏh ayŏ joăt joe sơ̆ ki đei vei răk tơƀăk mong ‘lơ̆ng hơ iă.