Tơ̆ ‘măng hop akŏm, Jơnŭm vei lăng kon pơlei dêh char Gia Lai jăl XII (jăl jang 2021-2026) đei hla bơar tơbăt ăn yă Đinh Ly An-Kơ iĕng Kơdră chĕp pơgơ̆r Ban Pháp chế Jơnŭm vei lăng kon pơlei dêh char jăl XII (jăl jang 2021-2026). Pơtôch pôk rơ̆ih, yă Đinh Ly An đei 62/62 ‘nu kơdră tang măt Jơnŭm vei lăng kon pơlei pôk tơmơ̆t, iŏk jơnei kơphĭu pôk tơmơ̆t 100%. Jei tơ̆ hop akŏm, Jơnum vei lăng kon pơlei dêh char hlôi pơgơ̆r tăh hla tơlĕch kơchư̆k jang lơ̆m Hơnih bơ̆ jang vei lăng kon pơlei dêh char jăl XII (jăl jang 2021-2026) hăm ƀok Nguyễn Văn Lộc- sơ̆ jang Chánh văn phòng Hơnih vei lăng kon pơlei dêh char hăm ƀok Nguyễn Ngọc Hùng - sơ̆ jang Kơdră chĕp pơgơ̆r Hơnih bơ̆ jang Kơtơ̆ng ang-Pơre nơ̆r Gia Lai. Hơdrol kơ ‘noh, 2 ‘nu ƀok Nguyễn Văn Lộc hăm ƀok Nguyễn Ngọc Hùng hlôi iŏk đei hla bơar tơchơ̆t ăn pơdơ̆h jang kiơ̆ tơdrong pơkăp.