2 ‘nu ‘lơ̆p tơ̆ plei Enan, xăh Ia Rsai, apŭng Krông Pa, dêh char Gia Lai hlôi ưh kơ pŭn dŏng đei đơ̆ng tơdrong krê hơmơt ƀơ̆t đom tŏk bŏk đak tih ro tôch kơ jăng. Kơ sơ̆ 2/8, 2 ‘nu oh Rơ Ô H’Bái (14 sơnăm) păng Rah Lan H’Mơn (15 sơnăm) năm tơ̆ mir ‘noh tơƀơ̆p ‘mi tih. Ƀơ̆t ƀôh đak tih ro hrĕnh, bre oh oei hơdrin yak klĕch đak glung Ea Rsai vă brŏk tơ̆ hnam.

Truh tŏk bŏk đak ‘noh bre oh đom ưh kơ gơh năm dơ̆ng. Lăp iŏk đei tơ roi tơ băt, Anih pơgơ̆r jang tang găn ‘mi kial đak lơ̆p - tơchă dong sar bar xăh Ia Rsai hlôi hơvơn khŭl linh Kŏng an xăh kŭm hăm 1,2 ‘nu đe tơdăm lơ̆m plei Enan truh tơ̆ hơnih đak tih vă dŏng tơgŭm. Khŭl linh dŏng tơgŭm hlôi yua ao đông păng tơ ley rơmo vă năm tơ̆ hơnih bre oh đei đom. Đơ̆ng rŏng hơdrin dŏng iŏk, bre oh hlôi đei iŏk hơtŏk tơ̆ kông sơđơ̆ng.