Tơdrong jang âu tơgŭm ăn anih jang mŭk drăm, Hơp tak xah, unh hnam kon pơlei jang mir jâ̆p teh đak tơroh tĕch răt tơmam drăm tơnăp hloh. Giĕng lêh tơmam drăm OCOP păng tơmam kăp gĭt kơ rim tơring sơnăm 2023 đei 439 anih jang mŭk drăm vang akŏm hăm jê̆ 1.200 tơmam drăm, lơ̆m noh tơmam OCOP đei 756 tơmam đei pơkăp đơ̆ng 3 - 5 sao.

Lơ̆m giĕng lêh oei pơgơ̆r dôm tơdrong jang hadoi pơtho gah tơdrong hơgei khua hŏk kŏng ngê̆ kih thuơ̆t choh jang xa păng hơtŏk tơring tơrang; pơm trong hiôk vă anih jang mŭk drăm pơlei tơm HCM păng dôm dêh char, pơlei tơm chă hơlen băt, asong jang dôm tơdrong choh jang xa kiơ̆ trong jang 'nao, tơguăt hăm pơm tơlĕch tơmam choh pơtăm kăp gĭt kơ 38 dêh char, pơlei tơm. Kiơ̆ đơ̆ng noh, sơkơ̆t hơdah sơnong jang tơguăt tĕch tơlĕch tơmam drăm kăl gĭt kơ pơlei tơm HCM lơ̆m tơdrong choh jang xa kơ dôm tơring lơ̆m jâ̆p teh đak.

Pơgê năr 27/10, tơ̆ Hà Nội, Hơnih pơtrŭt mơdro sa Choh jang sa kơ Hơnih tơm vei lăng Choh jang sa păng Atŏk tơ iung tơring tơrang iung jang hơdoi hăm Hơnih bơ̆ jang pơchoh trong jang tơring tơrang ‘nao Trung ương, Khul jang đak măm joăt joe Việt Nam pơgơ̆r “Giĕng lêh tơbăt, tơgoăt tơmam drăm sa Việt Nam hăm tơmam drăm đak măm joăt joe, rim tơmam drăm sa kăl kơ tơring”.

‘Nau jĭ jơ ‘năr vă tơƀôh tơbăt găh tơmam drăm, trong pơm tơlĕch rim tơmam drăm đak măm, măm păng ‘nhot sa đơ̆ng đak măm kơ Việt Nam truh hăm bơngai răt yua tơgŭm ăn băt hlôh ƀôh hơdăh, vei răk tơdrong joăt joe ‘lơ̆ng rŏ kơ Việt Nam ăn tơmoi lơ̆m teh đak păng tơmoi teh đak đe. Giĕng lêh ‘noh tơdrong pơgơ̆r găh rim trong jang kơ Tơdrong jang tơm Teh đak tơ iung pơjing tơring tơrang ‘nao sơnăm 2023, tơgop pơtrŭt kơtang mơdro sa, tơgoăt tĕch răt tơmam drăm joăt joe păng ‘nhot sa đơ̆ng đak măm.