‘Nâu jĭ tơdrong jang chĭnh trĭ, joh ayŏ gĭt kăl đei tơdrong vang truh akŏm đơ̆ng kơdră chĕp kơ̆l Đảng, teh đak, dôm anih tơm, anih jang Trung ương păng dôm tơring. ‘Nâu jĭ tơdrong jang ‘lơ̆ng hăm Đảng bộ, khŭl kơdră păng kon pơlei dôm hơdrĕch hơdrŭng lơ̆m dêh char. ‘Nâu jĭ ‘măng vă pôk pơ ư, chih bơnê kơ dôm bơngai hlôi jang đei, tơgop jơhngơ̆m lơ̆m dôm jơnei iŏk đei lơ̆m hloh 20 sơnăm âu ki kơ dêh char Dak Nông.

Hơdai hăm tơiung jơhngơ̆m chhôk ‘nă, pơ yom hơdrĕch hơdrŭng; hơmet ming đon lui, pơlung kang ƀô̆, đảng viên păng Kon pơlei dôm hơdrĕch hơdrŭng lơ̆m dêh char hơnơ̆ng hơtŏk tơdrong joăt joe 1 ƀơ̆r đon, 1 jơhngơ̆m pơjing, hơtŏk tơiung păng vei lăng pơlei pơla, teh đak lơ̆m chăl hle.