Kiơ̆ kơtơ̆ng ang đơ̆ng Hơnih bơ̆ jang vei lăng sơđơ̆ng trong nơnăm dêh char Kon Tum, dang 9 jơ gơmăng năr 25/2, tơ̆ trong glung Hồ Chí Minh, jăl trong găn hlŏh thôn 4, tơring Diên Bình, apŭng Đak Tô, gre kopơ kơsô̆ 82A-09582 kơ yuơ Nguyễn Văn Du (44 sơnăm), oei tơ̆ tơring Sa Sơn, apŭng Sa Thầy, dêh char Kon Tum vơ̆r, hao lơ̆m gre đei 3 ‘nu bơngai kơdau đơ̆ng apŭng Đak Tô năm tơ̆ apŭng Đak Ha. Mưh kơdau truh Km1518+100, gre kop preh ƀơm hăm gre bơbit kơsô̆ 82F1-03391 kơ yuơ A Thuê (20 sơnăm) vơ̆r chơ A Thom (14 sơnăm) oei lơ̆m pơlei Đak Kang Pêng, tơring Diên Bình, apŭng Đak Tô, kơdau hơdrơ̆k. ‘Măng tơtơ̆m tơpleh pơm ăn A Thuê hăm A Thom lôch kơtă, ƀar tŏ gre hư răm kơtang. Kơtơ̆ng ang đei tơdrong, khul bơ̆ jang tĕnh koăng năm truh hơnih gre tơtơ̆m vei lăng năng tông hơnih au pơm sơđơ̆ng trong gre nơnăm, adoi iung jang hơlen hơdăh tơchă băt tơdrong tơm pơm ăn truh đei tơdrong gre tơtơ̆m dih băl au.