Hop akŏm sơng đei hlŏh 100 anih tĕch mơdro vang akŏm. Tơ̆ âu, kiơ̆ đơ̆ng tơƀâp băl, chă hơlen năng, pơma nuh găh dôm tơdrong kăl, tơdrong ‘mĕh vă păng tơdrong kĕ tĕch tơmam tơ̆ teh đak đe, 18 anih tĕch mơdro Hàn Quốc hlôi kĭ 42 hlak hla ar pơkăp tĕch mơdro hơdoi hăm dôm anih tĕch mơdro tơ̆ Tây nguyên. Lơ̆m noh, mă lơ ‘nŏh jĭ tĕch mơdro dôm tơmam ‘lơ̆ng tơ̆ tơring nhen chĕh phe, găr mắc-ca, plei ‘long, ƀum, ‘nhot lơ kơloăi...

Đơ̆ng rŏng kơ kĭ pơkăp, 2 păh vă hơnơ̆ng pơma nuh, drơ̆ng nơ̆r mă hơdăh vă gơ̆h kĭ pơkeh hla ar pơkăp tĕch mơdro tơmam ăn băl. Ƀok Trần Hải Linh, Kơdră jang lơ̆m Anih Trung ương Mặt trận Tổ quốc Việt Nam, Kơdră vei lăng Khul tĕch mơdro păng tơmât jên jang Việt Nam - Hàn Quốc ăn tơbăt, khul hơnơ̆ng yak hơdoi hăm dôm anih tĕch mơdro vă tơgŭm tơlĕch trong tĕch mơdro păng jang hơdoi Việt - Hàn roi đunh roi tŏk ‘lơ̆ng păng đei yoa.