Năr akŏm iung pơm jang tơplih ‘nao gơh hơgei jing tơdrong jang rim sơnăm ăn jơnŭm iung pơm jang gơh hơgei, lơ̆m pơkăp Tơdrong jang Tơgŭm ăn tơdrong iung pơm jang tơplih ‘nao gơh hơgei kơ teh đak truh sơnăm 2025 (Tơdrong jang 844 đơ̆ng Thủ tướng Teh đak). Sơnăm âu, tơ̆ Đăk Lăk, tơdrong akŏm đei pơgơ̆r hăm lơ tơdrong jang nhen: pơdah păng tơbang 150 anih tơmam drăm iung pơm jang, tơmam drăm OCOP, tơmam drăm kŏng ngĭp tơring pơsĕl hơgei ‘lơ̆ng păng dôm tơmam drăm tơmang pơhiơ̆ kơ tơring.

Hop akŏm tơbang tơdrong pơm jang tơplih gơh hơgei. Tơroi pơtho gah trong pơm hla bar vă pơjing anih jang mŭk drăm, pơtho gah chih măt, tơroi thuê̆; tơroi gah tŏk iŏk jên hăm jên cheh tŏ sĕt, tơgŭm yua chư kĭ kơsô̆, phân mêm kê̆ toăn kơ anih jang mŭk drăm. Dôm tơdrong pơma đam đei tơrĕk truh tơgŭm anih jang mŭk drăm pơtrŏ, hơmet pơ-‘lơ̆ng; tơroh tĕch răt tơmam drăm; trong choh pơtăm sơđơ̆ng ‘lơ̆ng.