Tơdrong pơlong đei pơgơ̆r đơ̆ng năr 18/9 truh năr 22/10, pơgơ̆r trư̆k tuyê̆n lơ̆m trang thŏng tin điê̆n tưh https://cuocthi2024.tietkiemnangluong.com.vn. Nơ̆r apinh đei dôm tơdrong yu pơkom unh hơyuh păng tơnăp lơ̆m unh hnam, lơ̆m dôm tơdrong jang kŏng ngĭp, ming man, trong gre vih vơ̆t; tơchơ̆t unh hơyuh, tơchơ̆t jang Jơ Plei teh...

Tơ̆ Đak Lăk, tôm kang ƀô̆ bơngai jang lơ̆m anih jang unh hơyuh lơ̆m jơ̆p dêh char adoi vang akŏm 5 ‘măng pơlong. Atŭm hăm noh, rim kang ƀô̆ adoi hơvơn đei 2 ‘nu ‘nhŏng oh lơ̆m unh hnam atŭm pơlong. Tơdrong pơlong pơjing đei tơdrong kăp gĭt tơgop hơtŏk hlôh vao gah tơdrong yua pơkom unh hơyuh; atŭm hăm noh hơvơn rim anih jang teh đak, rim anih jang mŭk drăm păng tơpôl hăt hot pơm kiơ̆ dôm tơchơ̆t tơlĕch yua unh hơyuh, vei sơđơ̆ng mŭk drămc ham char pơsư̆ ăn.