Lơ̆m tơdrong jang, Thượng tướng Võ Minh Lương, Phŏ kơdră Anih tơm vei lăng khŭl lĭnh hlôi tang măt ăn dôm anih jang kơ Anih tơm vei lăng khŭl lĭnh pơjao asong hloh 15.000 tơpu tơmam hăm akŏp kơjă hloh 10 ti hlak jên ăn kơ dôm ŭnh hnam kang ƀô̆, khŭl lĭnh, bơngai jang đei tơdrong arih sa mơmat tat lơ̆m Binh đoàn 15 păng kon pơlei, kră pơlei, bơngai pơgơ̆r pơlei, bơngai đei đe lui yom lơ̆m tơpôl bơngai kon kông tơ̆ tơring sơlam kơ 2 dêh char Gia Lai, Kon Tum.

Hơdai hăm ‘noh, tơdrong jang oei đei dôm tơdrong jang pơlong nŭng “Ƀĕng chư̆ng jơ̆k”, pơgơ̆r joh hơri hơsoang, pơdă păng tĕch tơmam “0 hlak jên” pơtruh dôm tơmam pơyua ăn kăl asong ăn kon pơlei lơ̆m tơring. “Têt ngôi hơdai, pơyan puih mak vang tơgŭm” ‘noh jĭ tơdrong jang đei Khŭl Kŏng đoan khŭl lĭnh păng Binh đoàn 15 pơgơ̆r rim sơnăm, vă pơm kơjăp tơdrong ‘mêm pôm nơ̆r ƀơ̆t đon, “Tơgŭm băl” păng tơgop kŭm hăm khŭl kơdră rim tơring tơ ter tơring sơlam găh Tu Tây Nguyên vei lăng, tơgŭm Kon pơlei sơng Têt tôm măh, tơ nŏ hiôk.