Hloh 100 kơdeng tơmam đơ̆ng 39 anih jang, anih mơdro sa, tơring kơ Sơn La păng dôm dêh char: Hưng Yên, Ninh Bình, Yên Bái, Hà Nội, Dak Lak, Gia Lai... hăm lơ tơmam cheh phe, tơmam đơ̆ng choh jang sa, tơmam ‘lơ̆ng tơring hlôi akŏm tơ̆ Jơnŭm kơ chơ pơdă tơƀôh “Cheh phe Sơn La - mơ̆t jang hơdai păng hơtŏk tơiung”. Lơ̆m hơnih ƀĕnh kơmâu ‘lơ̆ng đơ̆ng Lêh, bơngai jang cheh phe păng bơngai huch cheh phe hlôi akŏm, tơƀơ̆p băl lơ̆m dôm tơdrong pơlong: pơ rŏ kơƀang cheh phe ‘lơ̆ng, pơ rŏ kơ chŏk cheh phe, pơm cheh phe hăm tơmam pơm đơ̆ng ti; chhơ̆ rup hăm djăh cheh phe...

Kon pơlei, tơmoi huch măk ai dôm kơ chŏk cheh phe đĕch păng mơ̆ng dôm nơ̆r tơroi găh ‘long cheh phe kơ bri kông Sơn La, Tây Bắc. Lêh cheh phe dêh char Sơn La hăm lơ tơdrong jang hơiă hlôi pơm ăn tơdrong ‘lơ̆ng gĭt kăl lơ̆m jơhngơ̆m tơmoi jê̆ hơtăih, jĭ tơdrong kăl tơƀôh tơdrong jang vă jê̆ 80 sơnăm cheh phe Sơn La đơ̆ng kơ loăi ‘long tơplih ‘lơ̆ng tơdrong jang sa arih sa truh hơnăn ‘lơ̆ng lĕch tơ̆ apŭng plĕnh teh, đei ‘meh vă tơ̆ lơ teh đak.